తిరుమలలో సాధారణంగా కొనసాగుతున్న భక్తుల రద్దీ: సర్వదర్శనానికి నాలుగు గంటల సమయం
రిపోర్టర్: హరి
స్థలం: తిరుమల
తిరుమల శ్రీవారి క్షేత్రంలో భక్తుల రద్దీ సాధారణ స్థితిలో కొనసాగుతోందని టీటీడీ అధికారులు తెలిపారు. ఎలాంటి టోకెన్లు లేకుండా దర్శనం కోసం వేచి ఉండే సర్వదర్శన భక్తులకు కేవలం నాలుగు గంటల సమయం మాత్రమే పడుతోందని అధికారులు వెల్లడించారు. సోమవారం ఉదయం ఆరు కంపార్ట్మెంట్లలో మాత్రమే భక్తులు వేచి ఉన్నారని, ఆదివారం ఒక్కరోజే డెబ్బై ఏడు వేల మందికి పైగా భక్తులు స్వామివారిని దర్శించుకున్నారని అధికారులు స్పష్టం చేశారు.