పింక్ ట్యాక్స్ వివాదం: జిల్లెట్ కంపెనీకి వినియోగదారుల కమిషన్ నోటీసులు జారీ
రిపోర్టర్: భాస్కర్
స్థలం: కోటా
మహిళల రేజర్లపై అధిక ధరలు వసూలు చేస్తున్నారనే ఆరోపణలపై ప్రముఖ సంస్థ జిల్లెట్ ఇండియాకు కోటా జిల్లా వినియోగదారుల వివాదాల పరిష్కార కమిషన్ నోటీసులు జారీ చేసింది. ఒకే రకమైన ఫీచర్లు ఉన్నప్పటికీ పురుషుల రేజర్లతో పోలిస్తే మహిళల రేజర్లకు నాలుగు నుంచి ఐదు రెట్లు అధిక ధర విక్రయిస్తున్నారని షిప్రా మాథుర్ అనే మహిళ పిటిషన్ దాఖలు చేశారు. ఈ అన్యాయమైన వాణిజ్య విధానంపై డిసెంబర్ పదహారు లోపు వివరణ ఇవ్వాలని కంపెనీ సీఈఓ సహా పలువురు అధికారులను కమిషన్ ఆదేశించింది.