ఘోర రోడ్డు ప్రమాదం: వాహనం ఢీకొని గుర్తు తెలియని వ్యక్తి మృతి
రిపోర్టర్: నరేష్
స్థలం: కర్నూలు
కర్నూలు జిల్లా గూడూరు గ్రామీణం పరిధిలో జరిగిన ఘోర రోడ్డు ప్రమాదంలో గుర్తు తెలియని వ్యక్తి మృతిచెందినట్లు పోలీసులు తెలిపారు. కర్నూలు బళ్లారి రోడ్డులోని విశ్వభారతి ఆసుపత్రి సమీపంలో శనివారం ఈ విషాద ఘటన చోటుచేసుకుంది. మృతుడి వయసు నలభై నుంచి నలభై ఐదేళ్ల మధ్య ఉంటుందని పేర్కొన్నారు. సంఘటన స్థలాన్ని పరిశీలించి కేసు నమోదు చేసినట్లు కర్నూలు రూరల్ సర్కిల్ ఇన్స్పెక్టర్ వెల్లడించారు. మృతుడి వివరాలు సేకరించేందుకు పోలీసులు ముమ్మరంగా దర్యాప్తు చేపట్టి ఆరా తీస్తున్నారు.