మహారాష్ట్రలో సీ-60 కమాండో బలగాల కొనసాగింపుపై మాజీ ఐపీఎస్ రఘువంశీ స్పష్టత
రిపోర్టర్: రాజేష్
స్థలం: గడ్చిరోలి
మహారాష్ట్రలోని గడ్చిరోలిలో మావోయిస్టుల అణచివేతకు ఏర్పాటు చేసిన సీ-60 కమాండో బలగాలను ఎట్టిపరిస్థితుల్లోనూ రద్దు చేయరాదని ఆ బలగాల వ్యవస్థాపకుడు, మాజీ ఐపీఎస్ అధికారి కేపీ రఘువంశీ స్పష్టం చేశారు. గడ్చిరోలి ప్రాంతం నక్సల్స్ రహితంగా మారినప్పటికీ, భావజాలాన్ని నమ్మేవారు ఇంకా ఉన్నందున భవిష్యత్తులో హింస మళ్లీ తలెత్తే ప్రమాదం ఉందని ఆయన ఆందోళన వ్యక్తం చేశారు. మహారాష్ట్ర డీజీపీ సదానంద్ డేట్ ఇటీవల రఘువంశీతో పాటు పలువురు పోలీసు సిబ్బందిని ఘనంగా సత్కరించారు.