అర్నాబ్ తుఫాను ముప్పు నేపథ్యంలో ఏపీలో రెడ్ అలర్ట్ జారీ
రిపోర్టర్: రమేష్
స్థలం: విశాఖపట్నం
బంగాళాఖాతంలో ఏర్పడిన తీవ్ర అల్పపీడనం రానున్న రోజుల్లో అర్నాబ్ తుఫానుగా బలపడే అవకాశం ఉందని భారత వాతావరణ శాఖ హెచ్చరించింది. ఈ నేపథ్యంలో ఉత్తరాంధ్రలోని విజయనగరం, శ్రీకాకుళం, పార్వతీపురం మన్యం, అల్లూరి సీతారామరాజు, అనకాపల్లి, విశాఖపట్నం జిల్లాలకు రెడ్ అలర్ట్ జారీ చేశారు. బుధవారం రాత్రి లేదా గురువారం తెల్లవారుజామున విశాఖపట్నం-గోపాల్‌పూర్ మధ్య తీరం దాటే అవకాశం ఉన్నందున అధికార యంత్రాంగం అప్రమత్తమైంది.