మంగళగిరిలో వైసీపీకి గట్టి ఎదురుదెబ్బ: టీడీపీలోకి చేరిన జొన్నాదుల వరప్రసాదరావు
రిపోర్టర్: శివ
స్థలం: గుంటూరు
మంగళగిరి పట్టణానికి చెందిన వైఎస్సార్సీపీ నేత, మంగళగిరి మాస్టర్ వీవర్స్ అసోసియేషన్ అధ్యక్షుడు జొన్నాదుల వరప్రసాదరావు తెలుగుదేశం పార్టీలో చేరారని మంత్రి నారా లోకేష్ వెల్లడించారు. ఉండవల్లిలోని తన నివాసంలో వరప్రసాదరావు, ఆయన సతీమణి కృష్ణవేణికి పసుపు కండువా కప్పి పార్టీలోకి సాదరంగా ఆహ్వానించినట్లు లోకేష్ పేర్కొన్నారు. ఈ చేరికతో స్థానికంగా రాజకీయంగా బలం పుంజుకుంటున్నట్లు పరిశీలకులు భావిస్తుండగా, అధికారిక కార్యక్రమాల్లో ఈ పరిణామం ప్రాధాన్యం సంతరించుకుంది.