గ్రామీణ పేదల ఆరోగ్యానికి శ్రీరామరక్షగా ఉచిత వైద్య శిబిరం

రిపోర్టర్: Alfa News Desk స్థలం: నెన్నల్ 2026-09-15

మంచిర్యాల జిల్లా నెన్నల్ మండలం మైలారం గ్రామంలో కాంగ్రెస్ డాక్టర్స్ సెల్ ఆధ్వర్యంలో ఏర్పాటు చేసిన ఉచిత వైద్య శిబిరాన్ని బెల్లంపల్లి ఎమ్మెల్యే గడ్డం వినోద్ వెంకటస్వామి ఘనంగా ప్రారంభించారు. గ్రామీణ ప్రాంత ప్రజలకు నాణ్యమైన వైద్య సేవలు అందించడమే ధ్యేయంగా ఈ కార్యక్రమాన్ని చేపట్టినట్లు తెలిపారు. నిరుపేదలకు ఉచిత వైద్యం అందించడం అభినందనీయమని ఆయన కొనియాడారు. ఈ శిబిరంలో జిల్లా కాంగ్రెస్ అధ్యక్షుడు పిన్నింటి రఘునాథ్రెడ్డి, డాక్టర్ చందన సుధాకర్, పి. మహేష్, పలువురు ప్రజాప్రతినిధులు, నాయకులు, కార్యకర్తలు, గ్రామస్థులు విశేషంగా పాల్గొని వైద్య సేవలను వినియోగించుకున్నారు.