రాజ్యాంగబద్ధ సంస్థల విశ్వసనీయతపై వైఎస్ జగన్ తీవ్ర ఆందోళన
రిపోర్టర్: కిరణ్
స్థలం: Andhra Pradesh
ఎన్నికల సంఘం వంటి రాజ్యాంగబద్ధ సంస్థలపై ప్రజలకు పూర్తి విశ్వాసం ఉన్నప్పుడే ప్రజాస్వామ్యం మనుగడ సాగించగలదని YSR Congress Party (YSRCP) వెల్లడించింది. ఎన్నికల సంఘం నిర్ణయాలు, ఓటర్ల జాబితాలు, ఈసీఐనెట్ నిర్వహణకు సంబంధించి ఇద్దరు ఎన్నికల కమిషనర్లు పలుమార్లు అభ్యంతరాలు వ్యక్తం చేసినట్లు జాతీయ మీడియాలో వచ్చిన కథనాలను ఆ పార్టీ ప్రస్తావించింది. ఈ అంశాలపై పారదర్శకత లోపించడం ప్రజాస్వామ్య వ్యవస్థకు ముప్పని, తక్షణమే స్పందించి అనుమానాలను నివృత్తి చేయాలని డిమాండ్ చేస్తూ వైఎస్ జగన్మోహన్ రెడ్డి ఈ మేరకు తీవ్ర ఆందోళన వ్యక్తం చేశారు.