మృతుని కుటుంబానికి ఆసరా: ఆటో యూనియన్ రూ.10 వేల ఆర్థిక సాయం

రిపోర్టర్: Alfa News Desk స్థలం: చెన్నారావుపేట 2026-10-11

వరంగల్ జిల్లా చెన్నారావుపేట మండల కేంద్రంలో అనారోగ్యంతో మృతిచెందిన ఆటో డ్రైవర్ బొంత సురేష్ కుటుంబాన్ని శనివారం ఆటో యూనియన్ నాయకులు పరామర్శించారు. సురేష్ దశదిన కార్యక్రమానికి హాజరైన యూనియన్ అధ్యక్షులు సిద్ద ఉపేందర్ వారి చిత్రపటానికి పూలమాల వేసి నివాళులర్పించారు. ఈ సందర్భంగా బాధిత కుటుంబానికి రూ.10 వేల ఆర్థిక సాయాన్ని అందించారు. ఈ కార్యక్రమంలో యూనియన్ ఉపాధ్యక్షులు కరెడ్ల శివ, ముఖ్య సలహాదారులు ఎండీ పాషా తదితరులు పాల్గొని తమ సానుభూతిని తెలిపారు.