అమెరికాలో ఘనంగా బతుకమ్మ వేడుకలు: కాలిఫోర్నియాలో ఏర్పాట్లు పూర్తి
రిపోర్టర్: సురేష్
స్థలం: కుపర్టినో
అమెరికాలోని కాలిఫోర్నియా రాష్ట్రం కుపర్టినో నగరంలో తెలంగాణ సాంస్కృతిక సంఘం ఆధ్వర్యంలో బతుకమ్మ వేడుకలను అత్యంత వైభవంగా నిర్వహించేందుకు ఏర్పాట్లు చేస్తున్నట్లు నిర్వాహకులు తెలిపారు. అక్టోబర్ పదిహేడో తేదీన మెమోరియల్ పార్క్ వేదికగా ఈ పూల పండుగ జరగనుందని వెల్లడించారు. బతుకమ్మల పోటీలతో పాటు రుచికరమైన ఫుడ్ స్టాళ్లు, ఉచిత పార్కింగ్ సదుపాయం కల్పిస్తున్నట్లు నిర్వాహక కమిటీ సభ్యులు స్పష్టం చేశారు. ఈ వేడుకల్లో ప్రవాస తెలుగువారందరూ అధిక సంఖ్యలో పాల్గొని విజయవంతం చేయాలని వారు కోరారు.