విజయవాడలో వైభవంగా మెగా కార్నివాల్: హాజరుకానున్న సీఎం చంద్రబాబు
రిపోర్టర్: గోపి
స్థలం: విజయవాడ
విజయవాడ నగరంలో మంగళవారం అత్యంత వైభవంగా మెగా కార్నివాల్ నిర్వహించనున్నట్లు స్వచ్ఛ ఆంధ్ర కార్పొరేషన్ చైర్మన్ పట్టాభి వెల్లడించారు. ఈ వేడుకకు ఆంధ్రప్రదేశ్ ముఖ్యమంత్రి నారా చంద్రబాబు నాయుడు ముఖ్య అతిథిగా హాజరుకానున్నట్లు ఆయన తెలిపారు. ఈ కార్నివాల్లో సుమారు రెండు వేల మంది కళాకారులు పాల్గొని ముప్పై ఎనిమిది రకాల విభిన్న కళారూపాలను ప్రదర్శించనున్నారు. ఈ సాంస్కృతిక వేడుకను నగర ప్రజలందరూ పెద్ద ఎత్తున తరలివచ్చి విజయవంతం చేయాలని ఆయన సాదరంగా ఆహ్వానించారు.