రైతుల ఖాతాల్లో బోనస్ చేరాలంటే డిజిటల్ సర్వే తప్పనిసరి
రిపోర్టర్: ఎన్ రవిందర్ రెడ్డి
స్థలం: ఆత్మకూరు(ఎం)
యాదాద్రి భువనగిరి జిల్లా ఆత్మకూరు(ఎం) మండలంలో ప్రభుత్వం చేపట్టిన డిజిటల్ పంట నమోదు కార్యక్రమాన్ని రైతులందరూ సద్వినియోగం చేసుకోవాలని వ్యవసాయ విస్తరణ అధికారి బి. రాజశేఖర్ కోరారు. సన్న రకాల వరికి రూ.500 బోనస్ అందాలంటే సర్వేలో వివరాలు కచ్చితంగా నమోదు చేయించాలని సూచించారు. సర్వేయర్లు కొసన మల్లేశం, గణేష్, మహేష్ పొలాల వద్దకు వచ్చి వివరాలు సేకరిస్తున్నారని, సెప్టెంబర్ 30, 2026 లోపు అందరూ నమోదు చేయించుకోవాలని తెలిపారు.