భక్తిశ్రద్ధలతో వైభవంగా ప్రారంభమైన వినాయక చవితి వేడుకలు

రిపోర్టర్: Y.V.RAMANA స్థలం: ఐనవిల్లి 2026-09-14

డాక్టర్ బి.ఆర్. అంబేద్కర్ కోనసీమ జిల్లా అయినవిల్లి మండలం కె.జగన్నాధపురం గుత్తుల వారి పాలెంలో వినాయక చవితి నవరాత్రి మహోత్సవాలు సోమవారం అంగరంగ వైభవంగా ప్రారంభమయ్యాయి. మట్టపర్తి చైతన్య వెంకటేష్, మట్టపర్తి శ్రీను కుటుంబ సభ్యులు ప్రత్యేక పూజా కార్యక్రమంలో పాల్గొన్నారు. ఈ వేడుకల్లో అధిక సంఖ్యలో భక్తులు పాల్గొని స్వామివారి తీర్థ ప్రసాదాలు స్వీకరించారు. ఆలయం వద్ద ప్రతిష్టించిన ఉత్సవ విగ్రహం భక్తులను విశేషంగా ఆకట్టుకుంది. ఈ నెల 20వ తేదీన లక్ష్మీ గణపతి హోమం నిర్వహిస్తున్నట్లు నిర్వాహకులు వెల్లడించారు.