అంతర్జాతీయ క్రికెట్ కు వీడ్కోలు పలికిన ఆస్ట్రేలియా ఆల్ రౌండర్ గ్లెన్ మాక్స్వెల్
రిపోర్టర్: శ్రీనివాస్
స్థలం: సిడ్నీ
అంతర్జాతీయ క్రికెట్ కు ఆస్ట్రేలియా విధ్వంసకర ఆల్రౌండర్ గ్లెన్ మాక్స్వెల్ వీడ్కోలు పలికారు. ప్రముఖ స్పోర్ట్స్ పాడ్కాస్ట్ ద్వారా ఆయన తన పదవీ విరమణ నిర్ణయాన్ని వెల్లడించారు. ఆస్ట్రేలియా తరఫున సుదీర్ఘకాలం పాటు అద్భుతమైన ప్రదర్శనలు చేసిన ఆయన, తన పద్నాలుగేళ్ల అంతర్జాతీయ కెరీర్ కు తెరదించినట్లు తెలిపారు. కేవలం అంతర్జాతీయ పోటీలకే కాకుండా దేశవాళీ మ్యాచ్ల నుంచి కూడా తప్పుకుంటున్నట్లు స్పష్టం చేశారు. ప్రపంచవ్యాప్తంగా జరిగే ఫ్రాంచైజ్ లీగ్లలో మాత్రం తన ఆటను కొనసాగిస్తానని పేర్కొన్నారు.