ఈశాన్య రుతుపవనాల రాక: దక్షిణ భారతదేశానికి ఐఎమ్డీ కీలక అంచనాలు
రిపోర్టర్: సునీల్
స్థలం: చెన్నై
దక్షిణ ద్వీపకల్ప భారతదేశంలోకి అక్టోబర్ పదిహేను నుంచి ఇరవై ఒకటి మధ్యలో ఈశాన్య రుతుపవనాలు ప్రవేశించే అవకాశం ఉందని భారత వాతావరణ శాఖ డైరెక్టర్ జనరల్ మృత్యుంజయ మహాపాత్ర స్పష్టం చేశారు. చెన్నైలో నిర్వహించిన ప్రత్యేక సమావేశంలో ఆయన మాట్లాడుతూ, రాబోయే రెండు మూడు రోజుల్లో నైరుతి రుతుపవనాలు దేశం నుంచి పూర్తిగా ఉపసంహరించుకుంటాయని తెలిపారు. ఈ సమావేశంలో తమిళనాడు డిజాస్టర్ మేనేజ్మెంట్ కమిషనర్ చంద్రమోహన్ కూడా పాల్గొన్నారు.